Afouteza

O galego é unha lingua que podemos usar con normalidade e sen filtros en todos os ámbitos e situacións da vida cotiá, tamén na música. Podemos escoitar música en galego de todos os estilos: rock, pop, rap, folk...

Hoxe quería darvos a coñecer un tema que leva por título Afouteza (unha das miñas palabras favoritas en galego) do grupo galego Ruxe Ruxe. Esta canción podédela acompañar con percusión tal e como nos indican nas instrucións iniciais do vídeo, ou simplemente podedes cantala coa letra que vos deixo ao final da entrada. Esta letra, para min, cobra moito sentido nestes días que estamos a pasar. Que vos parece a vós?

Tal día coma hoxe,

nun sitio coma este

estaremos brindando

polos tempos mellores.

Como unha folla perdida

arrincada dalgún libro

coma un fugaz recordo

espertando dun mal soño.

Non, non!

Renderse non é opción!

Teremos sempre a forza necesaria para vencer!

Forza e afouteza necesaria para vencer!

Tal día coma hoxe,

nun sitio coma este

estarémonos rindo

daqueles tempos peores.

Como unha estrela caída

arrincada dalgún ceo

como unha frase esquecida

no medio dun verso vello.

Non, non!

Renderse non é opción!

Teremos sempre a forza necesaria para vencer!

Forza e afouteza necesaria para vencer!

Afouteza. Ruxe Ruxe

Boa fin de semana!